Айни кунларда мамлакатимиз бўйлаб 1 октябрь – Ўқитувчи ва мураббий куни муносабати билан тантанали тадбирлар бўлиб ўтмоқда.

Хоразм вилояти ИИБнинг тантаналар залига ҳам соҳанинг бир гуруҳ фидойи  фахрийлари ҳамда ИИВ Хоразм академик лицейининг барча ўқитувчи-педагоглар жамоаси таклиф этилди.

Тантанали тадбирда Хоразм вилояти ИИБ бошлиғи генерал-майор Д.А.Назармухамедов сўзга чиқди.

Бошқарма бошлиғи ўз нутқида сўнгги йилларда мамлакатимизда ўқитувчи-педагоглар ва устоз-мураббийларнинг жамиятдаги мавқеини ошириш, уларни ижтимоий ҳимоясини кучайтириш борасида амалга оширилаётган ижобий ишлар тўғрисида тўхталиб ўтди.

Шунингдек бошқарма бошлиғи ўз нутқи давомида Ички ишлар Вазирининг байрам муносабати билан йўллаган табригини ҳам ўқиб эшиттирди.

Тантанали тадбир тақдирлаш жараёни билан давом этди.  

Ходимнинг эришган ютуқлари ва қўлга киритган ижобий натижаларини эътироф этиш уни келгусида янада шижоат билан хизмат қилишга ундайди. Шуни инобатга олган ҳолда байрам муносабати билан Ички ишлар Вазирининг буйруғига асосан ходимларга ўзларининг бой ҳаётий тажрибасини ўргатиш билан устозлик қилиб келаётган соҳа фахрийларидан бир гуруҳи вазирликнинг кўкрак нишонлари, фахрий ёрлиқ ва эсдалик совғалари билан тақдирланган бўлса, яна бир гуруҳ фидойи устоз-мураббийлар вилоят ИИБ бошлиғининг эсдалик совғалари билан тақдирланди.

Хизмат сафари билан Хоразм вилоятида бўлиб турган ИИВ Академиясининг бир гуруҳ ўқитувчи-педагогларига ҳам байрам муносабати билан вилоят ИИБ бошлиғининг совғалари топширилди.

ИИВ Хоразм академик лицейининг бир гуруҳ иқтидорли ўқувчиларига Ички ишлар вазири стипендияси ва ўқишда эришган ютуқлари кўкрак нишони гувоҳномаларининг мазкур тадбирда тантанали равишда топширилганлиги эса, ушбу ўқувчиларнинг қалбида ватанпарварлик ҳислатларини янада юксалтириши шубҳасиз.

Тадбирда тақдирланганлардан бир гуруҳи сўзга чиқиб, кўрсатилаётган ғамхўрлик ва юксак эътироф ҳамда ишонч учун ўз ташаккурларини билдириб, келгусида Ватанга ва халққа садоқат билан қилишга тайёр эканликларини айтиб ўтдилар.

Шундан кейин тантанали тадбир байрам муносабати билан ёзилган дастурхон атрофида давом этди. Байрамона таомлар ва дилтортар куй-қўшиқлар байрам шукуҳини янада оширди.

Хоразм вилояти ИИБ Ахборот хизмати